Brockton – Massachusetts – 10 zan apre Akademi Kreyòl Ayisyen (AKA) te kreye, ki sa Akademisyen yo fè pou ede Lang Kreyòl avanse ? Bagay yo pa fasil lè nou konnen prejije ki genyen nan mitan elit nou yo sou Lang Kreyòl la, pozisyon Leta Ayisyen ki pa janm mete mwayen adekwa pou finanse travay Akademisyen yo ak mounn kap fè rechèch (gratis ti cheri an Ayiti kòm aletranje) pou mete bon jan baz pou pou pwogrè lang lan.
San nou pa mete sou kote gwo goumen, chire pit ki toujou egziste nan mitan si la yo ki genyen anpil konesans syantifik, anpil eksperyans pou yo ta pote nan AKA men ki prefere travay an solo.
Genyen jiska prezan anpil deba kap fèt sou devlopman òtograf menm lè AKA soti deja ak 2 rezolisyon sou sijè sa a. Akademisyen travay tou sou yon Gramè sa vle di règ ki gouvène fonksyònman lang kreyòl la , tankou estrikti li, sentaks ak konjigezon.
Genyen tou anpil travay fòmasyon pwofesè ki kontinye ap fèt toupatou nan peyi a. Sou pwen sa a, Li enpòtan pou siyale travay ki Pwofesè Yvon Lamour (ki se yon Akademisyen tou) ap fè depi plis ke 20 tan an Ayiti. Chak ane, li kite Massachusetts kote lap viv, pou l al pote fòmasyon bay pwofesè Aysyen toupatou an Ayiti. Pa pale misye te ensikirite : nan Taptap, deyè yon moto, sou cheval, Pwofesè Yvon Lamour reponn prezan.
Nou te fè yon ti koze ak Dr Marky Jean-Pierre, responsab Komisyon Akademik nan AKA.
