Bravo, bravo, bravo. 3 bravo yo, se pou twazyèm plas kalifikatif la. Pwochèn fwa, mwen swete di yon sèl bravo, paske se pral pou premye plas la. Mèsi, mèsi, mèsi anpil. Nou bay peyi a non sèlman kontantman, men tou fyète. Moun pa jwenn sa nan famasi.
Noumenm spòtiv wo-nivo, pa bliye kontantman nou pa dwe dire lontan. Aprè bèl sware n ap pase ap pale ansanm de viktwa sa a e bèl akèy nou merite jwenn nan peyi a ak pami zanmi nou plis fanmi, anpil travay pral tann nou. Yo deja di nou : nou se twazyèm ekip nasyonal Ayiti ki pral nan Koupdimond. Se yon eksplwa, men gen lòt eksplwa dèyè. Etazini ki fini premye a pral nan koupdimond lan pou l chanpyon. Pa bliye nou fè match nil avèk li pandan nou t ap jwe a 10. Kidonk, se pou nou fè yo di : ekip mwen d 20 tan feminin Ayiti 2018 la se premye ekip peyi a ki chanpyon …di…
Konpliman. Kenbe fèm medmwazèl.
Patrice Dumont
Senatè Ayiti
Prezidan Komisyon spò Sena a
English
French
German
Spanish